Estyn 2023

Trosolwg

Mae Ysgol Glan Ceubal yn gymuned hapus, ofalgar a chartrefol sy’n rhoi blaenoriaeth uchel i les ei disgyblion. Mae staff yn cydweithio’n effeithiol i ddarparu naws gynhwysol er mwyn adnabod anghenion pob unigolyn. Mae’r disgyblion yn ymfalchïo bod ganddynt berthnasoedd cadarn i drafod unrhyw bryderon mewn amgylchedd diogel. Mae’r disgyblion yn ymdrin â’i gilydd ac oedolion gyda pharch a chwrteisi sy’n cefnogi’r rhan fwyaf i ymddwyn yn dda. Mae ganddynt agweddau positif at ddysgu ac maent yn gwneud cynnydd cadarn o’u mannau cychwyn. Mae’r rhai sy’n hwyrddyfodiaid i’r Gymraeg yn gwneud cynnydd cadarn gyda’r iaith, gan fagu hyder a mwynhad tuag at yr iaith yn dilyn cyfnod yn yr uned drochi.